22/03/2024
Seddori . Festa de su Babbu in su Casteddu. Intrada a indonu po Babbus e Fillus.
Po sa Festa de su Babbu, su Casteddu Mediuevali de Seddori bolit fai festa cun is Babbus chi donant prexu e amori a is pipieddus. Domìnigu su 24 de Martzu totus is Babbus imparis cun is fillus funt cumbidaus a bisitai de badas (gratis) is museus de su Polu Museali de Seddori. Si abetaus in medas po festai e torrai gràtzias a totus is Babbus. Po acabbai sa dì cun unu bellu arregordu, est stétiu apariciau un'arrenconi po is fotografias, innui ammentai sa bella dì passada impari. Po essi prus cuntentus po sa Festa de su Babbu 2024 ddoi est unu bellu spantu. Podeis partecipai a su cuncursu nou: si ddus arremonais in is stòrias instagram (@castellomedievalesanluri-polomusealesanlurese) seis automaticamenti iscritus a su sorteamentu chi si fait su 26 de Martzu. Podeis essi is bincidoris de una malliedda e de unu capeddu de su Casteddu de Seddori.
22/03/2024
Biddacidru - Pramanteddu - Casteddu. Torrat in Sardigna Franco Arminio, su poeta e paesòlogu. 22 de Martzu 2024.
Noba e fotografia pigada de su giassu: sangavinomonreale.net In ocasioni de is dexi annus de su “Club” de “Jane Austen Sardegna” e is anteprimas de sa de 9 editzionis de su “Festival Dicembre Letterario” chi organizat su “club” etotu, tres acontéssius in Biddacidru, Pramantellu e Casteddu. Una torrada, sa de Franco Arminio in Sardigna, in ocasioni de is dexi annus de su Club de Jane Austen. In su matessi momentu chi arribbat su beranu, su “club” at organizau un’acabbu de cida arricu de acontéssius e afestus. Tres atóbius chi istràngiant, a parti unus cantu amigus e amigas de su “club”, s’autori chi narrat “Canti della gratitudine” s’arregorta noba de poesias chi Bompiani at imprentau. A custas pàginas s’autori intregat su frutu de annus de ascurtu de issu etotu e de su mundu, sa summa de su chi at imparau in su camminu suu peri tzitadis e biddas: su fueddu poéticu ispartzinat sa fortza mudadora sua, de esperiéntzia intima si fait comunitària e domandat a nosu de dda nai cumenti a isfida a s’indiferéntzia, cumenti a forma de resisténtzia, cumenti su prus salvíficu de is cuntàgius. Is acontéssius organizaus funt totus a indonu; po cenàbara 22 in Biddacidru e domínigu 24 in Casteddu est giai totu prenotau, cun una lista de abetu ativa. Totus is piessignus a sighiri. Cenàbara 22 de Martzu, h. 18:00, in su Molinu Cadoni in Biddacidru: “Buon compleanno Club de Jane Austen”. Un’atóbiu emotzionanti, innui si arremmonant is dexi annus de atividadi de su “Club” imparis a is chi ndi ant fatu s’istória. Intervenint: Vanessa Roggeri, Iscritora Luca Manunza, Presidenti de s’assótziu “Perda Sonora” e de su “festival” literàriu “Cabudanne de sos Poetas”, Giuditta Sireus, diretora artística e ideadora de su “Club Jane Austen Sardegna”, Cordinat sa giornalista Simonetta Selloni a sighiri Franco Arminio presentat “Canti della gratitudine”, ed. Bompiani. Est totu prenotau ma ddoi at una lista de abetu ativa in s'acàpiu: Eventbrite: https://www.eventbrite.it/.../biglietti-buon-compleanno... Su logu: in su Molinu Cadoni, un’istrutura istórica restaurada chi donat a su Lavatoju. Su logu mannu e eciseri ammostat decorus elegantis chi si cuncordant beni cun elementus istruturalis traditzionalis. Un’iscenàriu perfetu po acontéssius culturalis e formativus, musicalis e teatralis chi agatant logu siat a intru chi in sa pratza imperdada o in sa lolla. Sàbudu 23 de Martzu, h. 15:00, in “Il Giardino di Lu” in Pramanteddu: “Il giardino della Poesia” Franco Arminio presentat “Canti della gratitudine”, ed. Bompiani. Un’acàpiu intra de letura, ànimas, froris, fueddus, emotzionis, umanidadi. Sa poesia vibbranti de Franco Arminio cun “Canti della gratitudine” in unu campu de tulipanus chi proponit unu progetu ancoras prus mannu de informatzioni, formatzioni, istúdiu e circa asuba de su tumori a is ovajas: “Il Giardino di Lu”. S’acontéssiu si fait in collabboratzioni cun sa libbreria “Mondadori Bookstore”. Si podit intrai chentza de si prenotai. Su logu: unu giardinu froriu istravanau cun un’istória ispetziali. “Il Giardinu de Lu” in memòria de sa filla Luana, chi est morta po nexi de unu tumori a is ovajas a 37 annus. In pagu tempus mudat unu percursu personali in una grandu isfida, interessendi una comunidadi de voluntàrius e donadoris sémpiri in créscita chi, atiraus de s’dea sua e de sa bellesa de su Giardinu, cumpartzint e agiudant s’iscopu suu. Domínigu 24 de Martzu, h. 18:00, in sa “Fondazione Siotto”, in Casteddu: Franco Arminio presentat “I Canti della gratitudine” Un’ocasioni po arrexonai imparis a s’autori a suba de un’atzioni simpli e pretziosa: umperai beni is fueddus. Is fueddus chi naraus, iscrieus, ligeus dónnia dí funt unu biaxi ma, meda, tropu bortas, truessant sa vida nosta chentza de lassai arrastu. Est totu prenotau ma ddoi at una lista de abetu ativa in s’acàpiu: Eventbrite: https://www.eventbrite.it/.../biglietti-franco-arminio... Su logu: su palàtziu Siotto est una domu istórica de s’Otuxentus perfeta po organizai atóbius, ammostas, cursus, cunvénnius, cuntzertus e atividadis teatralis. Is propostas faint parti de is afestus po is dexi annus de su “Club Jane Austen” – anteprimas de sa de 9 editzionis de su “ Festival Dicembre Letterario”, finantziau de sa “Fondazione di Sardegna” e funt fatas in collabboratzioni cun su “ Festival Cabudanne de sos Poetas”, su Sistema Bibliotecàriu Monti Linas, “Il Giardino de Lu”, sa “Fondazione Siotto” e sa libreria “Mondadori bookstore” e sa libreria “Paese d'Ombre”.
22/03/2024
Mara Arbarei. Non si fait prus su Cursu de Língua Sarda de 1° livellu po mancàntzia de iscritzionis.
Su Comunu Mara Arbarei, alleau de su comunu de Seddori in su progetu “Terras de Marmilla, Linas e Campidanu”, finantziau cun su dinai de sa Regione Autònoma de Sardigna cunformas a sa L.482/99 e a sa L.R. 22/2018, fait isciri a is tzitadinus e a is tzitadinas chi, a dolumannu, non si fait prus su Cursu de Língua Sarda de 1° livellu, ca non si est sodigau su númeru mínimu de iscritzionis chi sa Regione Autònoma de Sardigna pedit po fai inghitzai is cursus.
19/03/2024
Biddacidru. “Bia Crucis in Língua Sarda”. 24 de Martzu 2024
Sa Cumpangia teatrali “Sa Spendula” in collabboratzioni cun sa Parróchia de Santa Barbara e cun s'agiudu de su Comunu de Biddacidru, organizat sa “Bia Crucis in Língua Sarda”. S'atóbiu est su 24 de Martzu 2024, in su Molinu Cadoni, h. 16:00 (cuatru de a merí). S'acumpangiamentu partit de su Molinu Cadoni e passat in P.tza Zampillo, bia Roma, P.tza Marconi, bia Garibaldi, bia Municipio, bia Carmine, bia Libertà, Crésia de su Cramu.
18/03/2024
Santu 'Èngiu. Presentada de su libru “Battaglie invisibili. L'inizio di una nuova vita” de Marco Sebis. 23 de Martzu 2024
Artículu pigau de sangavinomonreale.net Su Comunu de Santu 'Èngiu, Assessorau a sa Cultura e a is Oportunidadis Paris, sàbudu 23 Martzu 2024, h. 17:00 (cincu de a merí), in is aposentus de su CIVIS de bia Roma in Santu 'Éngiu, organizat sa presentada de su libru de Marco Sebis: “Battaglie invisibili. L'inizio di una nuova vita”. S'atóbiu ddu incurat sa giornalista televisiva Elisabetta Atzeni. “ Sa primu gara e totus is chi sighint bessint unu símbulu, banderas chi isbentulant a su bentu in su traguàrdu po dónnia vitória personali contras a su mali”. Marco Sebis Santuingesu de s'Annu 2017, est su primu “Iron Man” (Ómini de Atzàrgiu) a acabbai una gara de custa disciplina tosta meda cun una diàgnosi de sclerosi multipla e diabbeti.
18/03/2024
Serrenti: “Labboratóriu de Pasca Manna” in sa Biblioteca
S’Ufítziu Língua Sarda de su Comunu de Serrenti in collabboratzioni cun sa Biblioteca comunali de Serrenti “Francesca Sanna Sulis” organizat unu “Labboratóriu de Pasca Manna”, su merí de mércuris 27 Martzu 2024. A su labboratóriu, chi si fait de is 4 e mesu a is ses de a merí (16.30-18.00) podint partitzipai is pipias e is pipius chi tengant de is 5 a is 10 annus de edadi. A chini bollit partitzipai si depit iscriri aintru de su 25 de Martzu tzerriendi a Biblioteca a su númeru 0709159155, o podit mandai una e-mail a s’operadora de língua sarda a s’indiritzu carla.asunis@gmail.com
18/03/2024
Biddanoa de Forru: “Cassa a is ous e Labboratóriu de Pasca” po pipius e pipias in s’àrea Archeològica Pinn’e Maiolu
S’Ufítziu Língua Sarda de su Comunu de Biddanoa de Forru in collabboratzioni cun su Museu Genna Maria organizat una “Cassa a is ous e Labboratóriu de Pasca” po pipius e pipias in s’àrea Archeològica Pinn’e Maiolu a is 10 e mesu (10,30) de a mengianu gióbia 28 Martzu 2024. A chini bollit partitzipai si depit iscriri aintru de su 25 de Martzu e ddu podit fai tzerriendi a su númeru de su Museu a su 0709300050, desinunca, chi preferit, podit mandai una e-mail a s’operadora de língua sarda a s’indiritzu limba@comune.villanovaforru.ca.it. Chi su tempus sa dí no est bellu, sa cassa a is ous e su labboratóriu si faint in is aposentus de sa Sala Ammostas Temporàneas.
18/03/2024
Gùspini: “Labboratóriu de Pasca Manna in sa Biblioteca”
S’Ufítziu Língua Sarda de su Comunu de Gùspini in collabboratzioni cun sa Biblioteca comunali “Sergio Atzeni” organizat su “Labboratóriu de Pasca Manna”, su mengianu de su 29 de Martzu 2024. A su labboratóriu, chi si fait de is 10 a is 11 e mesu (10.00-11.30) podint partitzipai is pipias e is pipius chi tengant de is 5 a is 10 annus de edadi. Is chi funt interessaus si depint iscriri aintru de su 27 de Martzu tzerriendi a Biblioteca a su númeru 0709760125, opuru mandendi una e-mail a s’operadora de língua sarda a s’indiritzu carla.asunis@comune.guspini.su.it
18/03/2024
Pabillonis: Labboratóriu de Pasca Manna in sa Biblioteca
S’Ufítziu Língua Sarda de su Comunu de Pabillonis in collabboratzioni cun sa Biblioteca comunali de Pabillonis organizat su “Labboratóriu de Pasca Manna” martis su 26 de Martzu 2024 a merí. A su labboratóriu, chi si fait de is 4 e mesu a is ses de a merí (16.30-18.00) podint partitzipai is pipias e is pipius de is 5 a is 10 annus de edadi. A chini bollit partitzipai si depit iscriri aintru de su 23 de Martzu tzerriendi a Biblioteca a su númeru 0709353957, o mandendi una e-mail a s’operadora de língua sarda a s’indiritzu carla.asunis@gmail.com.
15/03/2024
S’Universidadi de sa de Tres Edadi
Sedi de Sàrdara, cun su Patrocìniu de su Comunu de Sàrdara e in collaboratzioni cun sa Proloco de Sàrdara, cuncordat su cursu “La Sardegna nella Seconda Guerra Mondiale . I soldati sardi dispersi nella Campagna di Russia” . Su cursu est abertu a totus e is atòbius funt in su Cineteatru. Nci funt duas letzionis: Domìnigu 10 de Martzu ant biu su film “Sos Laribiancos” – I Dimenticati”. Si contat de una truma de personas chi gherrant in Russia e intra de is protagonistas nci est su compiantu Sergio Aru. Sàbudu 16 de Martzu a is oras 17:30, Cineteatru: letzioni – cunferèntzia. Su Caporali Eraldo Podda su 1 de su mesi de Ladàmini de su 1943 s’est mortu in Russia e su corpus ddu ant portau in bidda sua sceti in su 1993. Su nebodi Giampaolo Podda at a ligi 11 lìtteras chi Eraldu iat mandau a is amigus e a is parentis. Si ant a biri puru documentus de sa battalla innui est mortu e filmaus de sa cerimònia de candu su corpus est lòmpiu in Sàrdara in su 1993. Ant a fueddai: -Professor Roberto Ibba, Universidadi de Casteddu – “ La Sardegna nella seconda guerra mondiale”; -Gigi Abis “Sardara e le Terme negli anni della Seconda Guerra Mondiale”; -Ercole Colombo “L’aereoporto militare di Pabillonis”.
15/03/2024
Sàrdara. “Caccia alle uova del passato”
Su 29 de Martzu de is oras 10:00 a is oras 12:00, VILLA ABBAS Soc. Coop. Gestione Beni Culturali Sardara, at cuncordau unu laboratòriu dedicau a sa Pasca po is pipius de is 4 a is 13 annus. Un’aventura po scoberri is orìginis de is ous de Pasca. Is pipius ant a fait una Cassa a is ous. Ant a essi partzius in trumas e ant a circai is ous de ceràmica chi Archie su arceri at cuau. A pustis de sa cassa, is ghias, is operadoris e is ceramistas ant a contai is orìginis de sa Stòria de is ous de Pasca a partiri de s’edadi de su bruntzu e passendi po is egitzius, persianus, romanus po nci lompi a is dìs de oi. A sa fini is pipius ant a pintai is ous de ceràmica e si ddus ant a portai a domu. S’atòbiu est po su 29 de Martzu de is oras 10:00 a is oras 12:00 in sa Casa Museo Pilloni, in Sàrdara. Su costu po 2 oras de atividadi est de € 10,00 Po informus e prenotatzionis: 3501099278 (puru in whatsapp)
14/03/2024
Pabillonis. Proietzioni de su cortometràgiu “Cast in bronze” de Mario Giua Marassi
Sàbudu su 16 de Martzu a is 6 e mesu de a merí (18.30) in su Tzentru de Agregatzioni Sotziali in Bia Su Rieddu in Pabillonis, s’at a fai sa proietzioni de su cortometràgiu “Cast in Bronze”, innui at a partitzipai su regista puru Mario Giua Marassi. “Cast in Bronze” contat sa stória de duus piciocus, Ietocor e Iscurti, nàscius in sa élite de unu villàgiu nuraxesu in sa Sardigna de 1200 a.C. (Edadi de su Brunzu). Mancai issus duus siant totus pigaus s’una de s’àteru giai de piticheddus, su camminu insoru est destinau a no si atobiai: Iscurti (chi dda intérpretat s’atora Emanuela Fanni) est sceberada che a sacerdota (cun sa brava Lia Careddu in s’arrolu de sa sacerdota bècia), invécias Ietocor (chi ddu intérpretat s’atori Mauro Massa) dd’ant addestrau po sighiri is arrastus de su babbu (chi ddu intérpretat Federico Saba), che a generali de is trupas chi a cuss’época fiant in gherra in su Mediterràneu. Créscius e educaus a custa tenta, ponint a una banda is disígius e sa personalidadi insoru, po si pigai is responsabbilidadis chi tenint cunfrontu de sa sotziedadi evólvia e introbeddada chi funt tzerriaus a ghiai.
13/03/2024
Biddacidru. Ammosta personali de su pintori Salvatore Sanneris.
17– 24 Martzu 2024 Sa Consulta de is Antzianus de Biddacidru presentat s'Ammosta personali de pintura de s'artista cirdesu Salvatore Sanneris. S'ammosta de acuerellus, ollu e acrílicu intitulada “ Il silenzio del mare” dda incíngiant domínigu 17 de Martzu 2024, in su Molinu Cadoni, h. 17:00 (cincu de a merí). S'ammosta si podit a biri de su 17 a su 24 de Martzu 2024 cunformas a s'oràriu chi sighit: de lunis a sàbudu h. 17:00 – 19:30 domínigu a mengianu h. 10:00 – 12:30 / a merí h. 17:00 – 19:30. S'ammosta serrat domínigu 24 de Martzu 2024, h. 17:00 cun sa presentada de su libru de Salvatore Sanneris etotu “GELISOI – Una vita rubata”.
11/03/2024
Biddanoa de Forru: Intra Stória e Archeologia. Abbísita de su casteddu de Seddori e de is sítius nuraxesus in Biddanoa de Forru.
Sa Marmidda est terra de nuraxis, ma no scéti; in custu territóriu in mesu de cucureddus, tocau apena de sa campura de su Campidanu de Mesu, agataus fintzas unus cantu casteddus medievalis, chi ant caraterizau is acontéssius de is Giudicaus de Casteddu e Arborea, chi sa làcana insoru passàt puru intra is sartus de Seddori e Biddanoa de Forru, cun su nuraxi de “Genna Maria”, chi a cantu narat sa paristória, fiat un’antigu casteddu tudau. Custa “Giorronnada de su Turista”, chi si fait domínigu 17 Martzu 2024, bollit atruessai giai tremilla annus de stória, e at a portai s’abbisiteri de s’Edadi de is nuraxis, passendi intra is edadis púnica e romana, fintzas a is séculus iscuriosus, candu s’Europa fiat logu de gherras, mortallas e caristias, mancai a bortas nci fessint sprallàcius de luxi, cumenti a su bisu de una Sardigna líbbera de is abbusus de is conchistadoris, chi ant illuminau s’ísula nosta po unu certu tempus e unu de is protagonistas est stétiu própiu su casteddu de Seddori, chi no po nudda est connotu cumenti a su “Casteddu de Lionora de Arborea. PROGRAMMA Biddanoa de Forru - h. 10 abbísita ghiada in su nuraxi Genna Maria - h. 11 abbísita ghiada in su museu archeológicu - h. 12 abbísita ghiada in su sítiu de Pinn’e Maiolu Pàsiu po su pràngiu cun sa possibbilidadi de papai unu menù turísticu (càstia asuta) Seddori h. 16 abbísita ghiada de su casteddu de Lionora Su billetu de intrada cun totus is abbísitas ghiadas costat 13,50 èurus S’acontéssiu si fait chi si lompit assumancu a 10 iscritzionis. Po pediri informatzionis e po si prenotai, aintru de cenàbara su 15 de Martzu, tocat a mandai una e-mail a museo@comune.villanovaforru.ca.it opuru a tzerriai a is númerus - 070 9300050 - 333 1760216 (fintzas in whatsApp) Po su menù turísticu de su Ristoranti Funtana Noa in Biddanoa de Forru, si depit prenotai a su númeru 070 9331020, e s’ant a papai Culuxonis, Nugoresa, àcua e una tassa de binu (is mannus pagant 20 èurus e is pipius prus piticus de 10 annus pagant 12 èurus).
11/03/2024
Seddori. Sa Festa de is Fémminas de su Binu”
“La Festa delle Donne del Vino” est unu atòbiu chi si fait domìnigu su 17 de Martzu. A ddu promòviri est s’assòtziu “Associazione delle Donne del Vino”e a ddu cuncordai est sa “Cantina Su ‘Entu” de Seddori. S’atòbiu si apariciat poi fai connosci su patrimòniu vinìculu isolanu e su traballu de is Fèmminas de su Binu in Sardigna. Sa Presidenti de s’assòtziu est Nina Puddu, e ndi faint parti is meris (proprietàrias) de is cantinas, giornalistas, sommelier e enòlogas de sa Sardigna. Sa faina chi faint est aici de importu chi ònnia annu su nùmeru de is iscritas e is atòbius chi faint s’ammaniat. Nci ant a essi degustatzionis, chistionadas, vìsita a sa cantina, espozitzionis artìsticas e stentu in mùsica. Su programa po domìnigu su 17 de Martzu me in is Cantinas Su ‘Entu de Seddori est: -a is oras 11:00 abertura de sa manifestatzioni -a is oras 11:30 vìsita ghiada de sa Cantina -a is oras 12:00 inauguratzioni de s’espositzioni de is òperas de Paulina Herrera Letelier in Arieddas, su ristoranti de sa Cantina -a is oras 13:00 Street Food a incuru de sa Chef Simona Balia -a is oras 13:00 seletzioni musicali a incuru de Le Borlotty -a is oras 15:00 chistionada “Donne, vino e cultura” cun Maria Grazia Marilotti (giornalista), Cristina Caboni (scritora) e Paolina Herrea Letelier (artista), Nina Puddu (Presidenti de Donne del Vino della Sardegna) e Roberta Pilloni (Cantine su ‘Entu). -a is oras 18:00 Live di Riccardo Mannai trio -a is oras 20:00 serrada de sa manifestatzioni At a essi òspiti de sa dii “Sa Cantina Fratelli Puddu” de Uliana. Po Informus: visita@cantinesuentu.com
11/03/2024
Biddanoa de Forru: Presentada de su romanzu de Mauro Pusceddu, “Eroina”
Sàbudu su 23 de Martzu 2024 a is 6 de a merí (oras de is 18.00) in sa Biblioteca de Biddanoa de Forru, in bia Umberto I, n. 6, si fait sa presentada de su romanzu “Eroina” e Matteo Mandis at a cianciarrai cun s’autori Mauro Pusceddu. "Nùgoro, 2019. Nada Senes est sa primu visu-cummissària italiana de peddi niedda. Giai de su primu incàrrigu suu perou depit fait is contus cun un’acontéssiu atrobeddau chi dd’at a ponni ananti is fantàsimas de sa vida sua e is avolotus po mori de una sotziedadi chi no arrennescit a cumprendi sa diversidadi."
05/03/2024
Gùspini: Atóbiu cun s’autori Gianfranco Bacchi.
S’at a presentai mércuris 6 Martzu 2024 su líbburu de su 122° Cumandanti de sa nai scola Amerigo Vespucci Gianfranco Bacchi cun su títulu “Il punto più alto”. S’atóbiu dd’at apariciau s’Assótziu Natzionali Marineris de Itàlia cun su patrocíniu de su Comunu de Gùspini in su Montigranàticu de Gùspini a is 6 de a merí (18.00). Ciaciarrat cun s’autori su Contrammiràlliu de sa Marina Militari Italiana in cungedu Sergio Ghisu. S’acontéssiu est a indonu e totus podint partecipai.
05/03/2024
Su Comunu de Seddori fait sciri chi de su 1 de Martzu 2024 est inghitzau su labboratóriu teatrali in língua sarda "Sa Creatzioni". Su labboratóriu ddu fait Dot. Piero Marcialis e est riservau a is pipius e pipias de is 8 a is 10 annus de s'Istitutu Cumprensivu Statali de Seddori. Su labboratóriu est a indonu e fait parti de is Atividadis Culturalis in Língua Sarda de su progetu Terrras de Marmilla Linas e Campidanu finantziau de sa Regioni Sardigna cunformas a sa L. 482/99 e a sa L.R. 22/18, annualidadi 2023. Totus is informus si agatant in sa locandina alliongiada.
01/03/2024
Biddanoa de Forru: “Cerimonia 21 passi”. Una dii intrea dedicada a sa paxi.
Domínigu su 3 de Martzu 2024 in localidadi Genna Maria in Biddanoa de Forru si fait s’acontéssiu “Cerimonia 21 Passi”, una dii intrea dedicada a sa paxi e a praticai sa paxi po nosu etotu e in is arrelatas nostas. Po informatzionis e prenotatzionis si podit cuntatai a Cinzia a su númeru 3496673079. Su billetu de 35 éurus est po totus is pràticas chi s’ant a fai, s’intrada a su nuraxi, su pràngiu e unus cantu gadget. Programma: oras de is 10.00: arribbu in su Manégiu de Biddanoa de Forru chi est atesu unu chilómetru de su nuraxi Genna Maria. oras de is 10.30: Meditatzioni. oras de is 10.45: Camminada 21 passus. Is partecipantis candu funt camminendi depint boddiri de terra unus cantu arregaleddus (follas, froris…) chi ant a serbiri po su mandala de s’arreconnoscéntzia, e s’ant a gosai su paesàgiu faendi sa letura de is 21 passus. Sa pràtica de is 21 passus si fait cun 21 fràsias po torrai gràtzias chi si podint nai a boxi bàscia, abarrendi citius, cantendi o arrallendi intantu chi funt camminendi. oras de is 11.25: Arroda de mexina nuraxesa. Abbísita a su sítiu archeológicu de Genna Maria ancu ddoi ant agatau sa pintadera chi s’at a sperimentai che a Arroda de sa Mexina in sa corti de su villàgiu nuraxesu. oras de is 12.25: Bàculu de su fueddu, muru de sa paxi e mandala de sa paxi. Is partecipantis s’ant a ghiai cun sa meditatzioni a si lassai andai a una scritura màgicu-intuitiva chi at a permiti de fai su muru de sa paxi cun is pentzamentus insoru, is fueddus e is slogan chi, scritus in follus de paperi, ant a èssiri unu muru de paxi arricu e amparadori. Su mandala de s’arreconnoscéntzia s’at a fai cun froris, erbas aromàticas, fustigheddus arregortus camminendi, chi s’ant a arregalai a “pachamama” che a sinnu de arreconnoscéntzia. oras de is 13.30: Pràngiu típicu marochinu cun su pratu chi si narat “Safà Madefona”. oras de is 15.00: Abertura de su mercadeddu improvisau oras de is 17.00: serrada de su tundu e saludus
29/02/2024
Gùspini. Donne in Festa
In ocasioni de sa Dii Internatzionali de is Fémminas, s’Assótziu “Il Mercatino dei sogni APS” in collabboratzioni cun su Comunu de Gùspini organizat s’acontéssiu “Donne in Festa”. S’apuntamentu est própiu cenàbara s’8 de Martzu 2024 de is 10 de a mengianu e po totu sa dii in sa Pratzita 8 Marzo. Po totu sa dii s’ant a fai leturas e s’at a iscriri cosas, s’ant a fai labboratórius e ammostas e s’at a incingiai sa panchita po sa fibromialgia. Po informatzionis si podit tzerriai su númeru 3451856517.
29/02/2024
Santu 'Èngiu. Presentada de su libru “San Gavino Monreale e il bosco perduto della Struvina” de Sergio Orrù.
Noba pigada de sangavinomonreale.net Sàbudu 2 de Martzu 2024, h. 18:00, in is aposentus de C'ENTRO, in bia Santa Croce, in Santu 'Èngiu, Sergio Orrù presentat su libru suu “San Gavino Monreale e il bosco perduto della Struvina”. Est una circa documentada asuba de su passau de Santu 'Èngiu e de su territóriu suu, asuba de is cambiamentus chi s'ómini at impostu a su paesàgiu in su pranu de su Campidanu.
29/02/2024
Santu 'Èngiu. Cunvénniu “La difesa legittima vs la legittima difesa”. 8 de Martzu 2024.
Noba pigada de sangavinomonreale.net S'Assessorau a is Oportunidadis Ugualis de su Comunu de Santu 'Èngiu, in collabboratzioni cun sa Commissioni Oportunidadis Ugualis e s'assótziu “ASD Dojo No Sen”, in su cuntestu de su progetu “Donna In Difesa” presentat su cunvénniu intitulau ““La difesa legittima vs la legittima difesa”. S'atóbiu est cenàbara 8 de Martzu 2024, h. 17:30 (cincu e mesu de a merí), in su Civis de Santu 'Èngiu, bia Roma 102. A s'acabbu ddpi at unu “flashmob” in Pratza Marconi a incuru de s'assótziu “Insieme si può .APS”
28/02/2024
Gùspini. “Labboratóriu po sa Festa de is babbus in sa Biblioteca”
S’Ufítziu Língua Sarda de su Comunu de Gùspini in collabboratzioni cun sa Biblioteca comunali “Sergio Atzeni” organizat su “Labboratóriu po sa Festa de is babbus”, su merí de cenàbara 15 Martzu 2024. A su labboratóriu, chi si fait de is 4 e mesu a is ses de a merí (16.30-18.00) podint partitzipai is pipias e is pipius chi tengant de is 5 a is 10 annus de edadi. A chini bollit partitzipai si depit iscriri aintru de su 13 de Martzu tzerriendi a Biblioteca a su númeru 0709760125, opuru mandendi una e-mai a s’operadora de língua sarda a s’indiritzu carla.asunis@comune.guspini.su.it
28/02/2024
Pabillonis. Labboratóriu po sa Festa de is Babbus in sa Biblioteca
S’Ufítziu Língua Sarda de su Comunu de Pabillonis in collabboratzioni cun sa Biblioteca comunali de Pabillonis organizat su “Labboratóriu po sa Festa de is babbus” martis su 19 de Martzu 2024 a merí. A su labboratóriu, chi si fait de is 4 e mesu a is ses de a merí (16.30-18.00) podint partitzipai is pipias e is pipius chi tengant de is 5 a is 10 annus de edadi. A chini bollit partitzipai si depit iscriri aintru de su 13 de Martzu tzerriendi a Biblioteca a su númeru 0709353957, desinunca, chi preferit, podit mandai una e-mai a s’operadora de língua sarda a s’indiritzu carla.asunis@gmail.com.
28/02/2024
Serrenti: “Labboratóriu po sa Festa de is Babbus” in sa Biblioteca
S’Ufítziu Língua Sarda de su Comunu de Serrenti in collabboratzioni cun sa Biblioteca comunali de Serrenti “Francesca Sanna Sulis” organizat unu “Labboratóriu po sa Festa de is babbus”, su merí de mércuris 13 Martzu 2024. A su labboratóriu, chi si fait de is 4 e mesu a is ses de a merí (16.30-18.00) podint partitzipai is pipias e is pipius chi tengant de is 5 a is 10 annus de edadi. A chini bollit partitzipai si depit iscriri aintru de s’11 de Martzu tzerriendi a Biblioteca a su númeru 0709159155, o podit mandai una e-mai a s’operadora de língua sarda a s’indiritzu carla.asunis@gmail.com
22/02/2024
Su Comunu de Biddacidru, alleau de su Comunu de Seddori in su progetu "Terras de Marmilla, Linas e Campidanu", fait isciri a is tzitadinas e a is tzitadinus chi funt abertas is iscritzionis po su labboratóriu in Língua Sarda de Disénniu e Pintura chi inghitzat su 20 de Martzu 2024, h. 15:30 – 18:30 in sa Mediateca comunali "Fabrizio de Andrè", bia Parrocchia 190, Biddacidru. Su labboratóriu est a indonu. Po si iscriri ddoi at tempus fintzas a is tres de a merí (h. 15:00) de su 16 de Martzu 2024. A su labboratóriu si podint iscriri totus, mannus e piticus e fintzas is chi non bivint in Biddacidru, ma est riservau a non prus de 15 personas. Su labboratóriu est a indonu. Is mollus de iscritzioni ddus agatais in su giassu: www.comune.villacidro.vs.it e si depint mandai cumpilaus a: sportello.linguasarda@comune.villacidro.vs.it opuru ddus podeis mandai cun unu messàgiu WhatsApp a su númunu: 3890191709, custu númeru est a dispositzioni puru po donai informatzionis a is interessaus. Su labboratóriu ddu fait s'assótziu culturali "Sarditinera onlus" in collabboratzioni cun su Maistu de Arti, Raimondo Basciu. Su labboratóriu fait parti de is atividadis culturalis in Língua Sarda de su progetu "Terras de Marmilla, Linas e Campidanu" finantziau cun su dinai de sa Regione Autònoma de Sardigna cunformas a sa L.482/99 e a sa L.R. 22/2028. Su labboratóriu est de 36 oras pretziu in 12 letzionis de 3 oras donniuna e si fait cunformas a su calendàriu chi sighit: Martzu 2024 : 20, 27 h. 15:30 -18:30 Abrili 2024: 3, 10, 17, 24 h. 15:30 -18:30 Maju 2024: 8, 15, 22,29 h. 15:30 -18:30 Làmpadas 2024: 5, 12 h. 15:30 -18:30
20/02/2024
Santu 'Èngiu. Su Cursu de Língua Sarda de 2°livellu non si fait prus, po mancàntzia de iscritus.
Su Comunu de Santu 'Èngiu, alleau cun su comunu de Seddori in su progetu “Terras de Marmilla, Linas e Campidanu”, finantziau cun su dinai de sa Regione Autònoma de Sardigna cunformas a sa L.482/99 e a sa L.R. 22/2018, fait isciri a is tzitadinus e a is tzitadinas chi, a dolumannu, non si fait prus su Cursu de Língua Sarda de 2° livellu, ca non si est sodigau su númeru mínimu de iscritzionis chi sa Regione Autònoma de Sardigna pedit po fai inghitzai is cursus.
16/02/2024
Santu 'Èngiu: “Sa Bettua” una rassínnia teatrali cun 7 ispetàculus.
Artículu pigau de su giassu: sangavinomonreale.net Su 23 de Friaxu inghitzat sa rassínnia teatrali noba de s'assótziu “Chen' e Sentidu” cun s'agiudu de su Comunu de Santu 'Èngiu, Assessorau a sa Cultura e Spetàculus e de sa “FITA” (Federazione Italiana Teatro Amatori). “Seti atóbius de discansu culturali cun cummédias e rapresentatzionis teatralis chi proponint is trumas teatralis de su territóriu. Un'ocasioni de créscida culturali po totus is amantiosus, poita su Teatru est poesia chi bessit de unu libru po si fai umana” narat s'assessora a sa Cultura Silvia Mamusa. Espressat grandu satisfatzioni Tonina Fois, Presidenti de sa truma teatrali “Chen'e Sentidu” autora de medas cummédias de acunsentimentu. “Giai totus is assótzius de su territóriu funt iscritus a sa “FITA”, sa “Federazione Italiana Teatro Amatori”, ispricat Tonina Fois, chi dónnia annu fait cuncursus, innui is trumas teatralis si podint iscriri, partitzipendi a is rassínnias. Chi bincit sa rassínnia partitzipat a una gara finali chi est natzionali, duncas sa truma bincidora andat a s'úrtima gara finali e tenit una grandu ocasioni po si fai a connosci”. Est un'oportunidadi importanti, ca medas bortas incapitat chi, in medas rassínnias chi si organizant in Sardigna, non benint cumbidadas totus is trumas (mancai poita arretzitant in italianu ( giai chi sa parti prus manna de is rassínnias regionalis funt dedicadas a sa Língua Sarda) e calincuna benit lassada a parti. Àteras trumas intamis non benint calculadas cun s'iscusa chi funt tropu gióvunas. “Apu bófiu organizai una rassínnia noba – sighit Tonina Fois – po fai partitzipai e donai boxi a cussas trumas chi non funt istétias cumbidadas in àteras rassínnias, biu chi cussas puru tenint deretu de fai a biri su chi iscint fai. Duncas ddoi at a ai trumas chi faint teatru in italianu e àteras trumas chi faint teatru in sardu po unu totatali de seti ispetàculus. Su teatru est totu e totu est teatru: su teatru est italianu; su teatru est sardu; su teatru est ingresui; su teatru est mundiali. Mancai si fatzant iscéti ingestus est sémpiri teatru, duncas non biu poita custas trumas depant èssiri postas a una parti”. Custa est s'istória de sa rassínnia nosta chi isperu andit beni e chi béngiat genti meda a dda biri, ca is trumas funt diaderus bravas”.
15/02/2024
Su Comunu de Mara Arbarei, alleau de su Comunu de Seddori in su progettu "Terras de Marmilla, Linas e Campidanu, fait isciri a is tzitadinas e a is tzitadinus chi funt abertas is iscritzionis a su Cursu de Língua Sarda de 1° livellu chi inghitzat gióbia 28 de Martzu 2024, in sa Biblioteca comunali, V.li Rinascita 38, Mara Arbarei Podint partitzipai fintzas is chi non funt residentis in su Comunu de Mara Arbarei ma su cursu no inghitzat, si non si sodigat su númunu de assumancu 20 iscritus. Po si iscriri ddoi at tempus fintzas a su 21 de Martzu 2024, h. 16:00. Su Cursu est a indonu, ca ddu finàntziat sa Regione Autònoma de Sardigna cunformas a sa L. 482/99 e a sa L.R. 22/2028. Po si iscriri tocat a cumpilai su mollu chi agatais in su giassu de su Comunu de Mara Arbarei e ddu mandai a: A.Caboni@comune.sanluri.su.it Po isceras podeis tzerriai su númeru: 3890191709. Is letzionis de su cursu ddas fait Dot. Fabio Usala. Su cursu est de 30 oras pretzidas in 10 letzionis de 3 oras donniuna segundu su calendariu chi sighit: Gióbia 28 de Martzu 2024 h. 15:30 – 18:30 Gióbia 4 de Abrili 2024 h. 15:30 – 18:30 Gióbia 11 de Abrili 2024 h. 15:30 – 18:30 Gióbia 18 de Abrili 2024 h. 15:30 – 18:30 Gióbia 2 de Maju 2024 h. 15:30 – 18:30 Gióbia 9 de Maju 2024 h. 15:30 – 18:30 Gióbia 16 de Maju 2024 h. 15:30 – 18:30 Gióbia 23 de Maju 2024 h. 15:30 – 18:30 Gióbia 30 de Maju 2024 h. 15:30 – 18:30 Gióbia 6 de Làmpadas 2024 h. 15:30 – 18:30
15/02/2024
Biddanoa de Forru: Ammosta “I Carnevali di Sardegna” de su 16 de Friaxu a su 1 de Martzu 2024
Cenàbara 16 Friaxu, a is 5 e mesu de merí (17,30) in sa Sala Ammostas de su Museu Archeológicu de Biddanoa de Forru, s’incíngiat s’ammosta colletiva de arti cumpratzia, dedicada a is Carnovalis de Sardigna e a incuru de Alessandra Sorcinelli. A acontéssiu incumintzau s’ant a proponni momentus musicalis a incuru de Paolo Spinnato Olla e leturas poéticas. Custus is artistas chi ant esponni: Annarita Atzori (pintura), Antonio Milleddu (pintura), Bruno Medda (fotografia), Cecilia Scano (pintura), Cesare Cabiddu (scurpidura), Cecilia Angioni (pintura), Eva Rasano (pintura), Fernanda Musio (pintura), Flaviano Ortu (pintura), Franco Secci (pintura), Gabriella Manunza (pintura), Gabriella Zedda (pintura), Gianfranco Serra (scurpidura), Gianfranco Zucca (pintura), Gigi Cabiddu Brau (fotografia), Giovanni Atzeni (pintura), Leonardo Sanna (pintura), Lorenzo Cuccuru (pintura e scurpidura), Luciano Arrius (pintura), Luigi Porrà (pintura), Luigino Camedda (pintura), Magi Sulis (pintura), Manuela Frau (pintura), Marco Tiddia (pintura), Maria Borrelli (pintura), Maria Grazia Spiga (pintura), Massimo Cocco (pintura), Matteo Setzu (fotografia), Maurizio Broi (pintura), Maurizio Serra (fotografia), Mauro Angiargiu (pintura), Nino Pilloni (pintura), Nino Stagi (polivalenti), Nuria Metzli Montoya (pintura), Orlando Tocco (pintura), Raimondo Basciu (pintura), Raimondo Massenti (pintura), Sandro Dessì (scurpidura), Sandro Giordano (pintura), Sarkos (pintura), Susanna Manca (fotografia), Veronica Scano (pintura), Vincenzo Montis (pintura). Aintru de su merí s’ant a presentai duus líbburus a tema "Figli di Sardegna IV", de Stefania Cuccu e "Carrassegare", de Lorenzo Cuccuru S’ammosta si podit abbisitai fintzas a su 1 de Martzu, de su martis a su domínigu, a mengianu de is 9 oras e mesu a sa una (9.30-13.00) e a merí de is 3 e mesu a is 6 (15.30-18.00), e no si pagat nudda po intrai. Po informatzionis e prenotatzionis 070 9300050 / 333 1760216
15/02/2024
Biddanoa de Forru. Carnovali 2024
S’ Assótziu Pro Loco de Biddanoa de Forru in collabboratzioni cun su Comunu de Biddanoa de Forru cumbidat totus a partitzipai a sa festa in màscara organizada po Carnovali 2024. S’apuntamentu est in sa sea de sa Pro Loco, (si podit intrai siat de bia Tirso n.11 e siat de s’úrbidu II Umberto I) sàbudu su 17 de Friaxu a is 5 e mesu de a merii (17.30). Is màscaras ant a agatai giogus meda e spàssiu, tzacapingiada e po acabbai tzípulas po totus.
14/02/2024
Serrenti: Sa bidda de is portalis de perda in TV
In is mesis passaus in Serrenti si funt fatus unus cantu filmaus e intervistas a sa tenta de realizai unu documentàriu apitzus de sa stória de su passau e de su presenti de sa bidda: un’atzioni de importu po sa promotzioni turística de su territóriu, ativa in prus canalis, chi s’Amministratzioni Comunali at bófiu cun gana. Su documentàriu est unu “corto” chi ponit in ammosta su valori mannu de su passau de sa bidda ma chi contat puru una bisura de su benidori, cun sa tenta de trasmiti a is generatzionis noas sa stória de Serrenti. Ant fatu is ripresas po sa TV e po su Web, sa redatzioni de piccolagrandeitalia.tv, una realidadi multimediali e mediàtica natzionali chi giai de 10 annus girat in totu Itàlia cun sa tenta de descriri tzitadis, burgus e paesàgius nostus. Su documentàriu s’at a trasmiti in tres datas custa cida, in tres canalis de su Digitali Terrestri: Martis su 13 Friaxu a is 8 de a merí (20.00) in su canali Italia 121 Gióbia su 15 Friaxu a is 9 oras de a merí (21.00) in su canali Arte Italia 125 Domínigu su 18 Friaxu a is 9 oras e mesu de a mengianu (9.30) in su canali Arte Italia 124 e a is 5 de a merí (17.00) Live streaming: YouTube https://youtu.be/GKc-yFkPc1I Su Síndigu Leo Talloru e sa Visu-síndiga Maura Boi, chi fiant cun sa troupe is diis de trabballu in su territóriu, ant nau: “Serrenti in imbidriera podit èssiri un’ocasioni bella po fai connosci su territóriu. Teneus cosas meda de contai e meda de donai: eus scioberau unu canali in prus po lompi prus atesu ancora”.
14/02/2024
Biddanoa de Forru: “Sa de 7 Giorronnadas de s’Annestu”
Su Comunu de Biddanoa de Forru aderit a s’initziativa “M’illumino di meno” Giorronnada Natzionali de s’Arrespràmmiu Energéticu e is Istilis de Vida Susteníbbilis cun “Sa de 7 Giorronnadas de s’Annestu” chi si fait gióbia su 15 de Friaxu 2024 in sa strada comunali de su manégiu a is 9 oras e mesu de a mengianu (9:30). Programma de su mengianu: - annestu de matas de frutu - prantadura de matas porta-annestu Is ispertus ant a ammostai totus is técnicas e ant a ghiai is chi bolint provai a annestai una mata. Acabbaus is trabballus si fait unu pàsiu cun “su murzu” organizau de sa Pro Loco de Biddanoa de Forru ancu est su manégiu Asterix de Biddanoa de Forru. Po pediri informatzionis si podit cuntatai su númeru 3383485279.
12/02/2024
Santu 'Èngiu. Sighint is atóbius dedicaus a sa Formatzioni.
Noba pigada de sangavinomonreale.net Apustis de una circa chi partit de is abbisóngius formativus personalis, funt acanta de inghitzai is Cursus a indonu de cualífica, un'ocasioni po inghitzai percursus professionalizantis nous e agatai oportunidadis nobas de trabballu. S'atóbiu chi benit, abertu a totus is interessaus, si fait mércuris 14 de Friaxu 2024, h. 17:00 (cincu de a merí) in s'Àula de su Contzillu de Santu 'Èngiu.
09/02/2024
Sant'Èngiu. Biblioteca Multimediali Comunali “F. Onnis”: abarrat serrada su 12, 19, 26 de Friaxu e 4 Martzu 2024, h. 15:30 – 18:30.
Sa Províntzia de su Sud Sardigna fait isciri a is tzitadinas e a is tzitadinus chi sa Biblioteca Multimediali Comunali “F. Onnis”, aici cumenti a is àteras bibliotecas chi faint parti de su Sistema Bibliotecàriu “Monti Linas”, su 12, 19, 26 de Friaxu e su 4 de Martzu 2024 abarrat serrada h. 15:30 – 18:30 (de is tres e mesu a is ses e mesu de a merí) po permiti a is operadoris de sa biblioteca de partitzipai a is atividadis formativas.
09/02/2024
Gùspini. Carnevali Guspinesu “Cambas de Linna 2024”
S’apuntamentu prus abetau e colorau de s’annu– promóviu de sa Pro Loco de Gùspini, cun su patrocíniu de s’Amministratzioni Comunali -, chi alliòngiat impari sa traditzioni de sa màscara stórica de is Cambas de Linna e cussa portada innantis de is maistus de cartabista. Si cumintzat su Gióbia Lardajolu, s’8 de Friaxu, cun su “Carnovali de is pipius”: unu merí dedicau a su spàssiu de is prus piticus e piticas, cun is giogus gonfiàbbilis, su spetàculu de animatzioni e pruschetotu cun tzípulas, tzúcuru filau e popcorn po totus (no scéti po is prus piticus!). Si sighit su Martis de Agoa, su 13 de Friaxu, cun su “Cambas De Linna”: sa sfilada de is carrus allegóricus e de is grupus in màscara a pei peri is bias de sa bidda, cun s’abertura straordinària de is trampolieris Cambas De Linna. S’acabbat sàbudu su 17 de Friaxu, cun s’acumonu interprovintziali “Carnevalinas”, chi ponit impari unus cantu grupus de totus is biddas acanta. Serrada in Pratza Togliatti cun sa morti in su fogu de “Gambetta” e premiatzionis cun Federico Pilloni. De is 10 de noti (a is oras 22:00) Guest star DJ Ross e Roberto Fenu.
09/02/2024
Serrenti. “Lavori in corso: Genitori in cammino”
Su Servítziu Sotziali in collabboratzioni cun su Servítziu Educadori Territoriali aparíciant unus cantu atóbius po is mammas e is babbus. Is atóbius funt labboratórius de cunfrontu e chistionu po babbus e mammas chi bollint cumprendi mellus is fillus e ammellorai sa capatzidadi de ddis abarrai acanta. Is labboratórius funt abertus a totus is babbus e is mammas in su percussu de créscia insoru. Is atóbius, chi ant a ghiai sa Psicóloga e sa Pedagogista de su Servítziu Educadori, s’ant a fai in is aposentus de su Ex Esmas (ex Scola Materna), in Bia Nazionale 240 unu lunis a su mesi de is 5 de a merí e ant a durai unas duas oras. S’at a chistionai de argumentus de interessu comunu, fintzas a segunda de is propostas chi ant a bogai is babbus e is mammas chi ant a partitzipai e, a títulu de esémpiu, iant a podi essi custus: - Cumenti afrontai is iscórrius; - Sa créscia; - Is afetus e sa sessualidadi; - S’arrespetu de is arrégulas e modus de educai; - Sa comunicatzioni in famíllia; - Is emotzionis: unu ponti intra babbus e mammas e fillus. Su primu atóbiu est lunis 26 de Friaxu e ant a sighiri cussus de su 25 de Martzu, 22 de Abrili, 27 de Maju, 24 de Làmpadas. Is apuntamentus chi s’ant a fai apustis s’ant a comunicai agoa.
03/02/2024
Su Comunu de Seddori, Enti cabufila de su progettu "Terras de Marmilla, Linas e Campidanu, fait isciri a is tzitadinas e a is tzitadinus chi funt abertas is iscritzionis a su Cursu de Língua Sarda de 1° livellu chi inghitzat lunis 4 de Martzu 2024, in sa Sala letura de sa Biblioteca comunali ", Polu Culturali e de Alta Formatzioni, edifítziu béciu de is Scolòpius, Parcu S'Arei, Seddori. Podint partitzipai fintzas is chi non funt residentis in su Comunu de Seddori ma su cursu no inghitzat, si non si sodigat su númunu de assumancu 20 iscritus. Po si iscriri ddoi at tempus fintzas a su 1 de Martzu 2024, h. 18:00. Su Cursu est a indonu, ca ddu finàntziat sa Regione Autònoma de Sardigna cunformas a sa L. 482/99 e a sa L.R. 22/2028. Po si iscriri tocat a cumpilai su mollu chi agatais in su giassu de su Comunu de Seddori e ddu mandai a: A.Caboni@comune.sanluri.su.it Po isceras podeis tzerriai su númeru: 3890191709. Is letzionis de su cursu ddas fait Dot. Amos Cardia. Su cursu est de 30 oras pretzidas in 10 letzionis de 3 oras donniuna segundu su calendariu chi sighit: Lunis 4 de Martzu 2024 h. 15:30 – 18:30 Lunis 11 de Martzu 2024 h. 15:30 – 18:30 Lunis 18 de Martzu 2024 h. 15:30 – 18:30 Lunis 25 de Martzu 2024 h. 15:30 – 18:30 Lunis 8 de Abrili 2024 h. 15:30 – 18:30 Lunis 15 de Abrili 2024 h. 15:30 – 18:30 Lunis 22 de Abrili 2024 h. 15:30 – 18:30 Lunis 29 de Abrili 2024 h. 15:30 – 18:30 Lunis 6 de Maju 2024 h. 15:30 – 18:30 Lunis 13 de Maju 2024 h. 15:00 – 18:30
03/02/2024
Biddanoa de Forru. Labboratóriu de Carnovali po pipius e pipias in sa Biblioteca.
S’Ufítziu Língua Sarda de su Comunu de Biddanoa de Forru in collabboratzioni cun sa Biblioteca comunali organizat unu “Labboratóriu de Carnovali po pipius e pipias”, su merí de gióbia 8 Friaxu 2024. Is pipius e is pipias podint partitzipai a su labboratóriu mascaraus de su personàgiu chi prus ddis praxit. A chini bollit partitzipai si depit iscriri aintru de su 7 de Friaxu e ddu podit fai tzerriendi a su númeru de sa Biblioteca a su 0709331012, desinunca, chi preferit, podit mandai una e-mai a s’operadora de língua sarda a s’indiritzu carla.asunis@gmail.com.
30/01/2024
Pabillonis. “Labboratóriu de Carnovali po pipius e pipias in sa Biblioteca”
S’Ufítziu Língua Sarda de su Comunu de Pabillonis in collabboratzioni cun sa Biblioteca comunali de Pabillonis organizat unu “Labboratóriu de Carnovali po pipius e pipias”, su mengianu de martis 13 Friaxu 2024, e giai chi est martis de agoa is pipius e is pipias podint partitzipai mascaraus de su personàgiu chi prus ddis praxit. Is pipius s’ant a pratziri in duas trumas a segunda de s’edadi chi tenint: de is 9 oras a is 10 e mesu is pipius de is 3 a is 6 annus, e de is 11 a mesudí e mesu is pipius de 7 a 10 annus. A chini bollit partitzipai si depit iscriri aintru de su 10 de Friaxu e ddu podit fai tzerriendi a su númeru de sa Biblioteca a su 0709353957, desinunca, chi preferit, podit mandai una e-mai a s’operadora de língua sarda a s’indiritzu carla.asunis@gmail.com.
29/01/2024
Su Comunu de Santu 'Éngiu, alleau de su Comunu de Seddori in su progettu "Terras de Marmilla, Linas e Campidanu, fait isciri a is tzitadinas e a is tzitadinus chi funt abertas is iscritzionis a su Cursu de Língua Sarda de 2° livellu chi inghitzat cenàbara 23 de Friaxu 2024, in sa Biblioteca comunali "Faustino Onnis", bia Leonardo snc. Santu 'Èngiu. Podint partitzipai fintzas is chi non funt residentis in su Comunu de Santu 'Éngiu ma su cursu no inghitzat, si non si sodigat su númunu de assumancu 20 iscritus.Po si iscriri ddoi at tempus fintzas a su 20 de Friaxu 2024, h. 18:00. Su Cursu est a indonu, ca ddu finàntziat sa Regione Autònoma de Sardigna cunformas a sa L. 482/99 e a sa L.R. 22/2028. Po si iscriri tocat a cumpilai su mollu chi agatais in su giassu de su Comunu de Santu 'Éngiu e ddu mandai a: sportello.linguasarda@comune.sangavinomonreale.su.it. Po isceras podeis tzerriai su númeru: 3890191709. Is letzionis de su cursu ddas fait Dot. Fabio Usala. Su cursu est de 30 oras pretzidas in 10 letzionis de 3 oras donniuna segundu su calendariu chi sighit: Cenàbara 23 de Friaxu 2024 h. 15:30 – 18:30 Cenàbara 1 de Martzu 2024 h. 15:30 – 18:30 Cenàbara 8 de Martzu 2024 h. 15:30 – 18:30 Cenàbara 15 de Martzu 2024 h. 15:30 – 18:30 Cenàbara 22 de Martzu 2024 h. 15:30 – 18:30 Cenàbara 5 de Abrili 2024 h. 15:30 – 18:30 Cenàbara 12 de Abrili 2024 h. 15:30 – 18:30 Cenàbara 9 de Abrili 2024 h. 15:30 – 18:30 Cenàbara 22 de Abrili 2024 h. 15:30 – 18:30 Cenàbara 3 de Maju 2024 h. 15:00 – 18:30
26/01/2024
Gùspini. “Labboratóriu de Carnovali po pipius e pipias in sa Biblioteca”
S’Ufítziu Língua Sarda de su Comunu de Gùspini in collabboratzioni cun sa Biblioteca comunali “Sergio Atzeni” organizat unu “Labboratóriu de Carnovali”, su merí de cenàbara 9 Friaxu 2024 e is pipius e is pipias podint partitzipai mascaraus de su personàgiu chi prus ddis agradat. Is partitzipantis s’ant a pratziri in duas trumas a segunda de s’edadi chi tenint: de is cuatru e cuartu a is cincu e cuartu (16.15-17.15) is pipius de is 5 a is 7 annus, e de is cincu e mesu a is ses e mesu (17.30-18.30) is pipius de 8 a 10 annus. A chini bollit partitzipai si depit iscriri aintru de su 7 de Friaxu e ddu podit fai tzerriendi a su númeru de sa Biblioteca a su 0709760125, desinunca, chi preferit, podit mandai una e-mai a s’operadora de língua sarda a s’indiritzu carla.asunis@comune.guspini.su.it
26/01/2024
Santu 'Èngiu. Dí de sa Memòria: “Per non dimenticare … il ghetto di Teresin. Olocausti di ieri e di oggi, per non dimenticare l'orrore delle guerre”
De su 1945, su 27 de Gennaxu si afestat “Sa Dí de sa Memòria” po arremonai totus is vitimas de is Leis ratzialis, is deportaus e totus is chi si fiant opostus a su progetu de persecutzioni e isperdidura de is ebreus, ponendi a ríschiu sa vida. S'isperdidura de milionis de ebreus a òpera de is guvernus nazistas e fascistas est istétius unu fènomentu reali e documentatu chi est acontéssiu in su coru de s'Europa. Is ebreus ispérdius in manera sistemàtica po motivus ratzialis funt istétius prus o mancu 6 milionis. Una pàgina terríbbili de s'istória nosta chi no eus a iscaresci mai. Ocannu eus organizau un'ammosta dedicada chi si fait su 27 e su 28 de Gennaxu 2024, h. 16:00-20:00, in is aposentus de Domu Mareu, in bia Diaz. S'ammosta dd'at organizada s'Assótziu culturali “Alessandra Sorcinelli”. Martis 30 de Gennaxu 2024, h. 16:30, in sa sea de s'assótziu “Anziani sempre Giovani”, in bia Cunventu, ddoi at una proposta de caràtiri istóricu-culturali dedicada a sa Dí internatzionali po arregordai is vítimas de sa Shoah. Eus a fueddai de is esperiéntzias terríbbilis chi ant passau is deportaus ebreus in is campus de cuntzentramentu e de isperdidura, de s'orrori de sa Shoah, contau de s'autori de su libru: “Per non dimenticare...il ghetto di Terezin” de Lorenzo di Biase, Presidenti de sa A.N.P.P.I.A de zona ( Assótziu Natzionali Persighius Políticus Antifascístas). Sa proposta previdit sa discussioni asuba de s'argumentu e de is olocàustus prus retzentis cun sa partitzipatzioni de Don Angelo Pittau, predi mandau cumenti a giornalista e fatu presoneri in sa guerra de su Vietnam, voluntàriu in sa guerra in Ucraina po s'intregadura de is agiudus umanitàrius. S'atóbiu ddu isterrit su Síndigu e s'Assessora a sa Cultura e ddu mòderat su giornalista, Gianluigi Pittau. Si cumbidant totus is personas interessadas a partitzipai.
25/01/2024
Santu 'Èngiu. Cuntzertu gospel “Sound of Freedom”. 28 de Gennaxu 2024.
Unu cuntzertu gospel in sa crésia de Santa Chiara in Santu 'Èngiu. S'assótziu "Insieme si può" e is parròchias de s'Unidadi Pastorali de Santu 'Èngiu, su 28 de Gennaxu 2024, h. 17:30, organizant unu cuntzertu cun unu repertóriu de música "gospel" e "spiritual" po donai vida a s'acontéssiu "Sound of Freedom". In orígini monofònica e in coru, sa música "Spiritual" est s'antepassada de su "Jazz". Po su prus fiant is iscraus nieddus chi cantànt custas cantzonis, acumpangendusí, po bati su tempus, cun su sonu chi fadiant is crabetoris. Su "Spiritual, fiat unu cantu ispirituali, cumenti narat su nómini etotu, chi fiat dedicau a Deus, po allebiai su dolori e sa sunferéntzia de s'iscraitudini. Su "Gospel" est una genia de cantu, sémpiri de orígini populari afro-americana, asuba argumentus evangélicus, nàsciu in Amèrica in su de 19 sèculus. Ddu pratigànt is corus mannus de crésia e inghitzat a èssiri codificau in is annus 1920-190, in un' istili chi poniat impari is técnicas de su "Blues" cun elementus pigaus de su "Jazz". A diferéntzia de su generi simbillanti a su "Spiritual ", su "Gospel" si distinghit ca tenit unu testu de caràtiri sugetivu, s'acumpangiamentu de is istrumentus e una rítmica forti.
24/01/2024
Serrenti. “Labboratóriu de Carnovali po pipius e pipias in sa Biblioteca”
S’Ufítziu Língua Sarda de su Comunu de Serrenti in collabboratzioni cun sa Biblioteca comunali de Serrenti “Francesca Sanna Sulis” organizat unu “Labboratóriu de Carnovali po pipius e pipias”, su merí de mércuris 7 Friaxu 2024. Is pipius e is pipias podint partitzipai a su labboratóriu mascaraus de su personàgiu chi prus ddis praxit e s’ant a pratziri in duas trumas a segunda de s’edadi chi tenint: de is tres e mesu a is cuatru e mesu de a merí (15.30 - 16.30) e is pipius de is 8 a is 10 annus, e de is cincu a is ses de a merí (17.00-18.00) is pipius de 5 a 7 annus. A chini bollit partitzipai si depit iscriri aintru de su 5 de Friaxu e ddu podit fai tzerriendi a su númeru de sa Biblioteca a su 0709159155, desinunca, chi preferit, podit mandai una e-mai a s’operadora de língua sarda a s’indiritzu carla.asunis@gmail.com. .
17/01/2024
Biddacidru. Progetu distretuali Paridadi de generi. Bandus po su Labboratóriu teatrali e su labboratóriu Murales.
Su Comunu e s'Assessora a is Oportunidadis Paris de su Comunu de Biddacidru comunicant chi ant cumpartziu cun sa Commissione Oportunidadis Paris de su Comunu de Gùspini unu progetu de importu cun sa punna de prumovi una comunicatzioni rispetosa de is diferéntzias de generi, chentza distintzioni e e chi umperit unu linguàgiu rispetosu de sa paridadi de generi. Su progetu si cumprit po médiu de sa rapresentatzioni de immàginis Muràrias e de òperas teatralis a tema. Cun custa punna si faint duus labboratórius: Labboratóriu teatrali riservau a 12 meris de domu; Labboratóriu de Murales riservau a piciocas e piciocus de is 16 a is 29 annus de edadi. Po isciri cumenti partetzipai tocat a castiai su giassu de su Comunu de Biddacidru a s'indiritzu: https://www.comune.villacidro.vs.it
12/01/2024
Serrenti: “Ligeus impari. La biblioteca alla Casa dei Nonni”
Ligi a boxi arta contixeddus agiudat is antzianus a tenni in allenamentu s’atentzioni e sa memória, insutzuligai su linguàgiu, sa comunicatzioni e su scàmbiu de opinionis, arregodai is tempus andaus e su chi ant bíviu faendi torrai a nasci emotzionis e fantasia, faendi nasci amigàntzias e ammellorendi sa sotzialidadi. Pustis de sa speriéntzia de Paschixedda e su prexu de is stràngius de sa strutura “Casa dei Nonni di Serrenti”, sa Biblioteca Comunali de Serrenti “Francesca Sanna Sulis”, in collabboratzioni cun su Sportellu de Língua sarda de su Comunu de Serrenti e sa truma de letoris “Il sentiero dei libri”, at pentzau de trabballai cun is antzianus cun unu progetu de letura, atóbius chi s’ant a fai una borta a su mesi de Gennàrgiu a Donniasantu 2024.
09/01/2024
Torrat a inghitzai s'atividadi de s'Ufítziu de Língua Sarda de su Comunu de Santu 'Èngiu.
Su Comunu de Santu 'Èngiu, alleau de su Comunu de Seddori in su progetu “Terras de Marmilla, Linas e Campidanu”, finantziau de sa Regione Autònoma de Sardigna cunformas a sa L.482/99 “Normas in matéria de amparu de is minorias linguísticas storícas” e a sa L.R. 22/2018, fait isciri a is tzitadinas e a is tzitadinus chi de su 22 de Meseidas 2023 fintzas a su 21 de Donniasantu 2024 est torra ativu s'Ufítziu de Língua Sarda. S'Ufítziu s'agatat in sa Biblioteca Comunali "Faustino Onnis", bia Leonardo, e fait servítziu a su púbblicu su gióbia h. 12:00 – 13:00 (de mesudí a sa una). S’operadora, Dot. ra Annalisa Caboni, si podit cuntatai a is recàpitus chi sighint: e-mail: sportello.linguasarda@comune.sangavinomonreale.su.it Tel. 070 933 90 71 - 389 0191709 S’Ufítziu de Língua Sarda est a dispositzioni de is Iscolas, de is Museus, Ufítzius turísticus, de is Assótzius, de is Atividadis cummertzialis e artigianalis, de is tzidadinas e tzitadinus chi bolint: fueddai in sardu cun s’Amministratzioni Comunali, po apariciai ainas/materialis po is pipius e is piciocheddus; imparai a ligi e iscriri in sardu; apariciai ainas/materialis po is atividadis insoru ( es. locandinas, cartellinus merceològicus), tenni informatzionis chi riguardant sa língua, is traditzionis e s'istória de sa Sardigna.
09/01/2024
Torrat a inghitzai s'atividadi de s'Ufítziu de Língua Sarda de su Comunu de Biddacidru.
Su Comunu de Biddacidru, alleau de su Comunu de Seddori in su progetu “Terras de Marmilla, Linas e Campidanu”, finantziau de sa Regione Autònoma de Sardigna cunformas a sa L.482/99 “Normas in matéria de amparu de is minorias linguísticas istóricas” e a sa L.R. 22/2018, fait isciri a is tzitadinas e a is tzitadinus chi de su 21 de Meseidas 2023 fintzas a su 11 de Donniasantu 2024 est torra ativu s'Ufítziu de Língua Sarda. S'Ufítziu s'agatat in sa Biblioteca Comunali "Fabrizio De Andrè", bia Parrocchia 190 Biddacidru, e fait servítziu a su púbblicu su lunis h. 16:00 – 17:00 (de is cuatru a is cincu de a merí). S’operadora, Dot. ra Annalisa Caboni, si podit cuntatai a is recàpitus chi sighint: e-mail: sportello.linguasarda@comune.villacidro.vs.it Tel. 070 9314497 - 389 0191709 S’Ufítziu de Língua Sarda est a dispositzioni de is Iscolas, de is Museus, Ufítzius turísticus, de is Assótzius, de is Atividadis cummertzialis e artigianalis, de is tzidadinas e tzitadinus chi bolint: fueddai in sardu cun s’Amministratzioni Comunali, po apariciai ainas/materialis po is pipius e is piciocheddus; imparai a ligi e iscriri in sardu; apariciai ainas/materialis po is atividadis insoru ( es. locandinas, cartellinus merceològicus), tenni informatzionis chi riguardant sa língua, is traditzionis e s'istória de sa Sardigna.
08/01/2024
Terras de Marmilla, Linas e Campidanu Progetu finantziau cun su dinai de sa Regione Autònoma de Sardigna cunformas a sa L. 482/99 e L.R. 22/2018. Annualidadi 2023
De sa dì 8 de Gennàrgiu partit su Servìtziu de su Sportellu de sa Lìngua Sarda chi fait parti de su Progetu “Terras de Marmilla, Linas e Campidanu” finantziau cun su dinai de sa Regione Autònoma de sa Sardìgna cunformas a sa L. 482/99 e a sa L.R. 22/2018