Custa setzioni est dedicada a atividadis culturalis de prumotzioni linguística realizadas de unu totu in língua sarda  destinadas a totu sa tzitadinàntzia. Custas dépint  riguardai argumentus de atualidadi in su cuntestu de is comunidadis de relatu, de cumpriri puru cun s'agiudu de ainas multimediali, po garantiri s'ispartzinadura prus manna. Is progetus culturalis punnant a istrumbullai e afortiai sa connoscéntzia de sa Língua e is protzessus de aprendimentu e a ammanniai is oportunidadis de isvilupu de cumpeténtzias ispetzíficas.

Faint parti de is atividadis culturalis is atividadis de animatzioni culturali/linguística chi permitint de lompi deretu a sa populatzioni e favoressi una cuncàmbia intra de is generatzionis. Funt privilegiadas is propostas chi prumovint e avalorant s'ispetzifidadi de ónnia territóriu in língua minoritària cumenti a percursus culturalis o artísticus, librus asuba de is traditzionis de ispartzinai a sa populatzioni, opúsculus, labboratórius in is tzentrus po is antzianus, abbisítas ghiadas in is museus, parcus e situs archeológicus, leturas e presentadas de librus, collabboratzionis in is cuncursus de poesia, realizatzioni de videus, e aici sighendi, de prumotzioni de sa língua e de is traditzionis de sa Sardigna cun fotografias  po ispartzinai e istrumbullai in is famíllias e in s'Iscola s'umperu de sa Língua de minoria, ponendi in luxi s'importàntzia de su bilinguísmu.